युवा पोस्ट, मंसिर १, २०७८,
अखिल नेपाल फुटबल सङ्घ (एन्फा) ले यस सिजनको शहीद स्मारक ‘ए’ डिभिजन लिग फुटबल प्रतियोगिताको लागि कतार एयरवेजसँग प्रायोजन सम्झौता नवीकरण गरेको छ । आजै सातदोबाटोस्थित एन्फा कन्प्लेक्समा पत्रकार सम्मेलन गर्दै कतार एयरवेजसँग मुख्य प्रायोजक सम्झौतामा हस्ताक्षर गरेको हो।अखिल नेपाल फुटबल संघ (एन्फा)का अध्यक्ष कर्माछिरिङ शेर्पा र कतार एयरवेजका कन्ट्री म्यानेजर मोहम्मद एल इमानले बुधबार सम्झौतापत्रमा हस्ताक्षर गरेका हुन् । सम्झौताअनुसार मुख्य प्रायोजकले १ लाख ५० हजार डलर उपलब्ध गराउनेछ भने लिगको नाम कतार एयरवेज सहिद स्मारक ‘ए’ डिभिजन लिग राखिनेछ ।यसपटकको ‘ए’ डिभिजन लिग आउँदो शुक्रबारदेखि सुरु हुँदै छ । त्रिपुरेश्वरस्थित दशरथ रंगशालामा हुने उद्घाटन खेलमा सातदोबाटो युथ क्लब र फ्रेन्ड्स क्लब आमने–सामने हुनेछन् ।यसपटक अन्तिम स्थानमा रहने दुई टोली रेलिगेसनमा पर्नेछन् । लिग बिजेता टोलीले रु ७५ लाख तथा उपविजेताले रु ५० लाख पाउने बताइएको छ ।