युवा पोस्ट, पौष ११ ,२०७८,

नोबेल शान्ति पुरस्कार विजेता दक्षिण अफ्रिकाका पूर्व आर्कबिशप डेसमन्ड टुटुको ९० वर्षको उमेरमा आइतबार निधन भएको छ । उनी दक्षिण अफ्रिकामा रंगभेद विरोधी प्रतीकका रूपमा चिनिन्छन् । टुटुले रङ्गभेदी नीतिको अन्त्यपछि दक्षिण अफ्रिकाको बहुजाति मिश्रणलाई सम्बोधन गर्न इन्द्रेणी राष्ट्र नामाकरण गरेका थिए । यति मात्र होइन, टुटुलाई देशको नैतिक कम्पास पनि भनिन्छ ।

दक्षिण अफ्रिकाका राष्ट्रपति सिरिल रामाफोसाले टुटुको निधनप्रति दुःख व्यक्त गरेका छन् । राष्ट्रपति रामाफोसाले उनको मृत्यु उत्कृष्ट दक्षिण अफ्रिकीहरूको एक पुस्ताको बिदाइको एक अध्याय भएको बताएका छन्।