जीर्णोद्धारको क्रममा रहेको पाटन दरबार परिसरस्थित नरसिंह मन्दिरमा झन्डै एक सय बढी थरीका इँटा आवश्यक पर्ने बताइएको छ।विभिन्न आकार, कोण तथा बुट्टाअनुसार छुट्टा छुट्टै नापका इँटा बनाउने कार्य केही महिनायतादेखि जारी रहेको साइट इन्जिनियर प्रणाम होराले बताए।अभिलेख अनुसार सोह्रौँ शताब्दीमा बनेको उक्त शिखर शैलीको मन्दिरको जीर्णोद्धारका लागि ललितपुर महानगरपालिकाले २० लाख रुपैयाँ रकम छुट्ट्याएको मङ्गलटोल सुधार सङ्घले जनाएको छ।