सानिमा लाइफ इन्स्योरेन्स कम्पनीको आईपीओ भर्ने पहिलो दिन अर्थात आज बुधबार नै सम्पूर्ण आईपीओ विक्री भएको छ । कम्पनीले ६० लाख कित्ता आईपीओ निष्कासन गरेको मध्ये पहिलो दिन आज नै ९१ लाख ९६ हजार ३८० कित्ता को लागी आवेदन परेको छ ।

प्रति शेयर रु.१०० अंकित दरले ६० लाख कित्ता शेयर मध्ये ५ प्रतिशत अर्थात ३ लाख कित्ता सामुहिक लगानी कोषका लागि थप ५ प्रतिशत शेयर ३ लाख कित्ता कर्मचारीहरुका लागि छुट्याई बाँकी ५४ लाख कित्ता शेयर सर्वसाधारणमा निष्काशन गरेको हो । उक्त आईपीओमा आवेदकले न्युनतम १० कित्ता र अधिकतम ३० हजार कित्तासम्म आवेदन दिन सक्नेछन् ।हाल कम्पनीको चुक्तापूँजी रू. १ अर्ब ४० करोड रहेको छ । आईपीओ निष्कासन तथा बाँडफाँट पछि कम्पनीको पूँजी रू. २ अर्ब पुग्नेछ ।