09:09:20 am 03-Jul-2022

स्थानीय निर्वाचनले देशभरी हरीयाली बनाउदा त्यस बिपरित बजारले देखायो लाल झण्डा


स्थानीय निर्वाचनले देशभरी हरीयाली बनाउदा त्यस बिपरित बजारले देखायो लाल झण्डा

युवापोष्ट जेठ ३, काठमाडौं। २०७९ साल बैसाख ३० मा सम्पन्न आम निर्वाचनको परिणाम आउन शुरु गरिसकेको छ । हालसम्म घोषित २८० स्थानमा नेपाली कांग्रेसले १२८ स्थान अर्थात ४५% स्थानको पालिका प्रमुखमा बिजय हासिल गरिसकेको छ  भने नेपाल कम्युनिष्ट पार्टी (एकिकृत मार्क्सबादी लेलिनबादी) ले ८० अर्थात २८.५% स्थान मात्र बिजय हासिल गरेको छ । उदारबादी अर्थब्यवस्थाको वकालत गर्ने दलले अग्रस्थानमा रहेको छ । आज निर्वाचन पछिको पहिलो कारोबार भएको दिन  मंगलवार नेप्से परिसूचक ८४ दशमलव ९० अंक अर्थात ३ दशमलव ६१ प्रतिशत घटेर २ हजार २६५ दशलमव ५२ बिन्दूमा झरेको छ अर्थात लगानीकर्ताहरुले गुमाउने क्रममा अझ बढि बढोत्तरी भएको छ ।

यस अवधिमा कारोबारमा आएका २२१ धितोपत्रको ३५ लाख ९५ हजार ७४८ कित्ता शेयर ३३ हजार ६११ पटकमा रू. १ अर्ब ६४ करोड ४० लाख ९६ हजार १९२ दशलमव ८६ बराबरको शेयर खरीद विक्री भएको छ ।

चुनाव अगाडि बजार लगातार चार दिन बढको थियो । त्यसपछि भने पुन बढेको बजारमा प्रोफिट बुक गर्ने हावी हुँदा बजार प्रभावित बनेको मान्नेहरुको म

यसोत लामो समयदेखि वित्तीय प्रणालीमा तरलता अभाव र ब्याजदर पनि वृद्धिले गर्दा शेयर बजारमा प्रभाव पारेको छ । 

कारोबारमा आएका २२१ धितोपत्र मध्ये सामुदायिक लघुवित्त वित्तीय संस्थाको शेयर मूल्य सबैभन्दा बढी ४ दशमलव ९६ प्रतिशत वृद्धि भएको छ । कम्पनीको शेयर मूल्य प्रतिकित्ता रू. १ हजार ३९६ मा पुगेको छ ।

त्यसैगरी दोस्रोमा बोटलर्स नेपाल बालाजुको शेयर मूल्य २ प्रतिशत बढेर रू. १ हजार ९४१ दशमलव ९० पुगेको हो । त्यसैगरी मंगलवार तिन कम्पनीको शेयर मूल्यमा नेगेटिभ सर्किट लागेको छ ।

युनाइटेड इन्स्योरेन्स,लुम्बिनी जनरल इन्स्योरेन्स र सूर्योदय वोमी लघुवित्त वित्तीय संस्थाको शेयर मूल्यमा नेगेटिभ सर्किट लगोको हो । यी तिनओटै कम्पनीको शेयर मूल्य अघिल्लो कारोबार दिनको तुलनामा आज १० प्रतिशतका दरले घटेसँगै नेगेटिभ सर्किट लागेको हो ।

युनाईटेड इन्स्योरेन्स कम्पनीको शेयर मूल्य प्रतिकित्ता रू. ४७८ दशमलव ८०,लुम्बिनी जनरल इन्स्योरेन्स कम्पनीको रू.५५४ दशलमव ४० र सूर्योदय वोमी लघुवित्तको रू. १ हजार ११२ दशमलव ५० कायम भएको छ । 

त्यसैगरी सर्वाधिक शेयर खरीदविक्री  जाल्पा सामुदायिक लघुवित्त वित्तीय संस्थाको भएको हो । कम्पनीको रू. ९ करोड ७९ लाख बराबरको शेयर खरीद विक्री भएको छ । शेयर मूल्य प्रतिकित्ता रू. २ हजार २७० कायम भएको हो ।

त्यस्तै सर्वाधिक शेयर खरीद विक्री हुने दोस्रोमा अरुण भ्याली हाइड्रोपावर कम्पनीको रू. ५ करोड ६९ लाख बराबरको शेयर खरीदविक्री भएको छ । कारोबारमा आएका १३ओटै समूहगत परिसूचक समग्र घटेसँगै नेप्से परिसूचक घटेको हो ।

समूहगत परिसूचक घट्नेमा सबैभन्दा बढी अन्य समूहको परिसूचक ५ दशमलव ८३ प्रतिशत घटेको छ । त्यसैगरी बैंकिङ समूहको २ दशलमव ३९ प्रतिशत,विकास बैंक समूहको ४ दशमलव ०१ प्रतिशत,वित्त समूहको ५ दशमलव ७५ प्रतिशत,होटल एण्ड टुरिजम समूहको २ दशमलव ५८ प्रतिशत,हाइड्रोपावर समूहको ५ दशमलव २८ प्रतिशत,लगानी समूहको ३ दशमलव ३७ प्रतिशत घटेको छ ।

त्यस्तै जीवन बीमा समूहको ४ दशमलव ९८ प्रतिशत,उत्पादन प्रशोधन समूहको २ दशमलव ०३ प्रतिशत,लघुवित्त समूहको २ दशमलव ९८ प्रतिशत,म्युचुअल फण्ड समूहको १ दशमलव ५८ प्रतिशत,निर्जीवन बीमा समूहकमो ४ दशमलव ६९ प्रतिशत र ब्यापार समूहको समूहगत परिसूचक २ दशलमव ९५ प्रतिशतका दरले घटेको हो ।

तर यो बजारको करेक्सन लामो समय नजाने भन्ने बजार विश्लेषकहरुको छ । निर्वाचनमा परीचालन  भएको बित्तीय प्रणाली आई तरलताको संकट समाधान भई बजार बढ्ने कुरामा लगानीकर्ताहरु आश्वस्त रहेकाछन् ।

सम्बन्धित समाचारहरु​



जब डेस्क प्रा. लि. द्वारा प्रकाशित

अध्यक्ष तथा प्रधान सम्पादक: लीलानाथ घिमिरे

सूचना तथा प्रसारण विभाग दर्ता नं: १५९७/०७६-७७
IS A SITE DESIGNED MOSTLY FOR YOUNG GENERATION

BANESHWOR, KATHMANDU

PHONE NO: 9841282100

[email protected]