स्पेनको ला पाल्मा टापुमा कुम्ब्रे भिएखा ज्वालामुखी विस्फोटन हुँदा हजारौँ मानिस प्रभावित भएका छन्। ती टापुमा भएका गाउँबाट हजारौं मानिसलाई सुरक्षित स्थानमा सारिएको छ । कुम्ब्रे भिएखा ज्वालामुखीबाट निस्किएको लाभाले सैयौं घरमा क्षति पुगेको छ । केही दिनअघि भूकम्प आएपछि यो आइतवारदेखि उक्त ज्वालामुखी सक्रिय भई लाभा बग्न थालेको हो। कनेरीज क्षेत्रमा अवस्थित यो टापुमा ज्वलामुखी आउनु नौलो कुरा भने हैन । यो ज्वालामुखी सन् १९७१ मा पनि गएको बताईन्छ । ठुलो बिनास भएपनि त्यस ठाउँको मानिस हताहत भएको भने खबर आएको छैन । समुद्रको पानीमा लाभा पुगेपछि रासायनिक प्रतिक्रिया हुने र त्यसबाट थप विस्फोटन हुने अनि विषाक्त ग्यास निस्किने चेतावनी स्थानीय अधिकारीहरूले दिएका छन्।