05:29:33 pm 24-Jan-2022

सिद्धार्थ बैंकको प्रमुखकार्यकारी अधिकृतमा सुन्दर प्रसाद कडेल नियुक्त


सिद्धार्थ बैंकको प्रमुखकार्यकारी अधिकृतमा सुन्दर प्रसाद कडेल नियुक्त

युवा पोस्ट, मंसिर २८ ,२०७८,

सिद्धार्थ बैंक लिमिटेडकोे प्रमुखकार्यकारी अधिकृतमा श्री सुन्दर प्रसाद कडेल नियुक्त हुनुभएको छ । मिति २०७८ साल मंसिर २७ गते बसेको बैंक संचालक समितिको ३८५ औँ बैंठकले श्री कडेललाई आगामी ४ वर्षे कार्यकालका लागि प्रमुखकार्यकारी अधिकृतमा नियुक्त गरेको हो । यसअघि बैंकका तत्कालिन प्रमुखकार्यकारी अधिकृत श्री शम्भु नाथ गौतमले आफ्नो ४ वर्षे कार्यकाल सम्पन्न गरी बैंकको सेवाबाट अवकाश लिने निर्णय गरे पश्चात् श्री कडेल कायम मुकायम प्रमुखकार्यकारी अधिकृतको रुपमा कार्यरत हुनुहुन्थ्यो ।

बैंकिङ्ग क्षेत्रको सेवामा नवनियुक्त प्रमुखकार्यकारी अधिकृत श्री कडेलको तीन दशक भन्दा लामो कार्य अनुभव रहेको छ । व्यवस्थापनमा स्नातकोत्तर हासिल गर्नुभएका श्री कडेल सिद्धार्थ बैंकमा विगत १६ वर्षदेखि विभिन्न उच्च व्यवस्थापकीय पदमा रहेर कार्य गरी विगत ४ वर्ष देखि बैंकको नायब प्रमुखकार्यकारी अधिकृतको जिम्मेवारी वहन गर्दै आउनु भएको थियो । बैंक सञ्चालनमा विशेष दखल राख्ने श्री कडेलले सिद्धार्थ बैंकमा सेवा प्रारम्भ गर्नु अगाडि नबिल बैंकमा समेत करिब १७वर्षको कार्य अनुभव समेत सँगाल्नु भएको छ । प्रमुखकार्यकारी अधिकृत श्री कडेलको नियुक्तिबाट सिद्धार्थ बैंकलाई अझै उचाईमा लैजान मद्दत पुग्ने विश्वास बैंकले लिएको छ ।

सम्बन्धित समाचारहरु​



जब डेस्क प्रा. लि. द्वारा प्रकाशित

अध्यक्ष तथा प्रधान सम्पादक: लीलानाथ घिमिरे

सूचना तथा प्रसारण विभाग दर्ता नं: १५९७/०७६-७७
IS A SITE DESIGNED MOSTLY FOR YOUNG GENERATION

BANESHWOR, KATHMANDU

PHONE NO: 9841282100

[email protected]