-सरू काली

मृत्यु सम्झदासम्म पनि, आहा लाग्न थाल्यो 

अचेल कोहि मरेको सुन्दा,डाहा लाग्न थाल्यो 

 

म मृत्यु को पनि प्रीय , बन्न सकिन प्रीय 

जब मेरो कालको उर्दीमा,लाहा लाग्न थाल्यो 

 

हरियो खाट, सेतो तन्ना, पहेँलो सिरक आहा 

यस्तै यस्तै अचम्मको , चाहा लाग्न थाल्यो 

 

आउँछ अनि फर्कन्छ,  लरखराउँदै घरि घरि 

मलाई आउने काल पनि, जड्याहा लाग्न थाल्यो 

 

वरिपरि मडारिन्छन् यी , चुरोटका धुँवाहरू

जीवन फगत सलाई मै, स्वाहा लाग्न थाल्यो ।

 

(सरू काली समकालीन गजल  सिर्जनामा  सिद्धहस्त  छिन् । उनका कजलका पुस्तकाकार कृतिहरू प्रकाशित छन् । उनी अहिले अमेरिकामा बस्छिन् ।)