08:26:43 am 16-Sep-2020

डेटा सेन्टर विस्तार गर्दै क्लासिक टेक, बिराटनगरमा राख्याे क्यास सर्भर


डेटा सेन्टर विस्तार गर्दै क्लासिक टेक, बिराटनगरमा राख्याे क्यास सर्भर

इन्टरनेट सेवा प्रदायक कम्पनी क्लासिकटेक प्रालिले प्रयोगकर्तालाई उच्चगतिको इन्टरनेट प्रदान गर्ने योजनाका साथ डेटा सेन्टर विस्तार गरेको छ। कम्पनीले बिराटनगरको महेन्द्रचोकमा स्थापना गरेको नयाँ डेटा सेन्टर सञ्चालनमा ल्याएको हो।
यसअघि काठमाडौंको बानेश्वरमा सीमित रहेकोमा कम्पनीले पहिलो पटक डेटा सेन्टर उपत्यका बाहिर विस्तार गरिएको जनाएको छ । निकट भविष्यमै बुटवलमा समेत डेटा सेन्टर स्थापना गर्नेगरी आवश्यक तयारी भइरहेको कम्पनीले जनाएको छ।
इन्टरनेट प्रयोगकर्तालाई सहज र उच्चगतिको इन्टरनेट उपलब्ध गराउन कम्पनी डेटा सेन्टर विस्तारमा जुटेको बताइएको छ। कम्पनीका अनुसार बिराटनगरमा स्थापना गरिएको डेटा सेन्टरमार्फत पूर्वी क्षेत्रमा रहेका इन्टरनेट प्रयोगकर्ता लाभान्वित हुनेछन्।
उक्त स्थानमा सञ्चालनमा आएको डेटासेन्टरमा फेसबुक, यूट्युव, गूगल, इन्स्टाग्राम, ह्वाट्सएप, नेटफ्लिक्स र अकामाईको क्यास सर्भर राखिएको छ।
उक्त डेटा सेन्टरमार्फत् इन्टरनेट सेवा प्रदान गर्न एक सय जीबीपीए प्रतिसेकेण्डको ब्याकबोन नेटवर्क जडान गरिएको छ। कम्पनीले हालबिराटनगर, विरगञ्ज र भैरहवा नाकाबाट इन्टरनेटका लागि अन्तर्राष्ट्रिय ब्याण्डविथ भित्र्याइरहेको छ।
कम्पनीकाअनुसार बिराटनगरको डेटा सेन्टरमार्फत प्योगकर्तालाई लोकल ट्राफिक प्रदान गरिने छ। ग्राहकको मागअनुसार गुणस्तरीय सेवा प्रदान गर्नका लागि आवश्यक पर्ने नेटवर्क विस्तार गर्न नजिकै रहेको डेटासेन्टरमा ‘पेयरिङ’ गरिएको छ।
उसले गर्दा इन्टरनेट सस्तो, गुणस्तरीय र उच्च गतिको हुने कम्पनीको दाबी छ। उक्त डेटा सेन्टरको मर्मत र निगरानीका लागि अनुभवी नेटवर्क तथा स्टिम इन्जिनियर चौबिसै घण्टा कार्यरत छन्। साथै, विद्युतको नियमित आपूर्तिका लागि ब्याकअप सिस्टमसमेत राखिएको कम्पनीले जनाएको छ।

Ad

सम्बन्धित समाचारहरु​



जब डेस्क प्रा. लि. द्वारा प्रकाशित

अध्यक्ष तथा प्रधान सम्पादक: लीलानाथ घिमिरे

सूचना तथा प्रसारण विभाग दर्ता नं: १५९७/०७६-७७
IS A SITE DESIGNED MOSTLY FOR YOUNG GENERATION

BANESHWOR, KATHMANDU

PHONE NO: 9841282100

[email protected]